Во година полна со предизвици, која нѐ задржува да останеме дома со цел да го заштитиме сопственото здравје и здравјето на блиските, решивме да му дадеме друга боја на секојдневието и ги поканивме децата до 12 години да креираат дизајн на новогодишна честитка за „Лице в лице“.
Ги поттикнавме да создаваат, да се забавуваат и малку да се натпреваруваат.

Ни одговорија 89 автори, со вкупно 133 дела, кои донесоа позитивна нота и кои зрачат со креативност, досетливост, искреност, енергија и со најубави замисли за годината што ни доаѓа. Силно веруваме дека сите деца и понатаму ќе продолжат со своите творечки потези и дека ќе оставаат значаен печат во сѐ што ќе работат во иднина. 

Најдобро оценетите дизајни од публиката и од жирито, добиваат годишно членство на веб-платформата на „Лице в лице“, како и книги од издавачката куќа „Литература.мк“.
Жирито кое ги избра петте најуспешни беше во состав: Томислав Георгиев, фотограф, и Ружица Мандичевска – Руки и Зоран Инадески, дизајнери – последниве двајца и автори на дел од новогодишните мотиви на традиционалните честитки на „Лице в лице“.



Први пет места од жири:

1. Кира Ѓеорѓиеска
2. Ива Марија Видиновиќ, ментор: Марија Ристовска
3. Давид Атанасовски
4. Софија Симеонова
5. Јана Колевска

Прво место од публика:

1. Антонела Саздовска

Наградените решенија се на дел од насловните страници на печатеното издание на 43 број списанието, кој може да го набавите на овој линк.