Доза вести

Националниот парк Шар Планина отвори повик за бизнис идеи за заштита на природата и одржлив развој

Создадено од
Пејзаж од Шар Планина

Националниот парк Национален парк Шар Планина објави повик за бизнис идеи насочен кон поединци, стартапи, компании и тимови кои развиваат решенија за заштита на природата и одржлив развој на регионот. Рокот за аплицирање е 19-ти јуни 2026 година.

Според повикот, право на учество имаат студенти, претприемачи, земјоделци, програмери, постоечки бизниси и сите други заинтересирани кои имаат идеја што може да придонесе за зачувување на природните ресурси на Шар Планина. Не е потребно апликантите да имаат регистрирана компанија.

Фокус на шумите, водите и руралниот развој

Повикот е наменет за идеи што можат да придонесат за заштита на шумите и водните ресурси, спречување на криволовот и превенција од шумски пожари. Воедно, се охрабруваат и иницијативи насочени кон ревитализација на руралните средини и поттикнување одржлив развој на регионот.

Организаторите бараат иновативни решенија кои ги поврзуваат претприемништвото, технологијата и креативноста со заштитата на природата, со цел да се создадат долгорочни придобивки и за локалните заедници и за природните екосистеми на Шар Планина.

Повикот има цел да поттикне иновативни решенија кои ги поврзуваат претприемништвото, технологијата, креативноста и заштитата на животната средина.

Менторство и финансиска поддршка за избраните идеи

Избраните кандидати ќе имаат можност да работат со професионални ментори на доразвивање на своите идеи и нивно претворање во одржливи бизнис-концепти. Програмата вклучува поддршка за подготовка на бизнис план, можност за добивање неповратен грант, како и вмрежување со меѓународни експерти од областа на иновациите, претприемништвото и заштитата на природата. За дел од учесниците е предвидена и дополнителна поддршка во текот на 2026 година.

Како да се аплицира?

Крајниот рок за поднесување апликации е 19 јуни 2026 година, а сите детали се на овој линк.

Фотографија: Национален парк Шар Планина.

Понови
„Алембик“ го промовира албумот „Без никого да удриш“, музички повик против насилството
Врати се до сите
Постари Наградата „Гласник на невидливите“ по деветти пат ќе ги одликува новинарите што известуваат за сиромаштијата и социјалната исклученост

Поврзана содржина

информација за фото-конкурсот на Зрно

Отворен повик за млади фотографи: „Сликите на вкусот“ ги обединува креативците од Балканот

Проектот „Сликите на вкусот“ објави отворен повик за млади фотографи и уметници на возраст од 18 до 35 години од Македонија, Србија, Црна Гора и Албанија, со цел да се...
Продолжи

Осмели се, инспирирај, промени: Резултати од повикот за млади креативци

Со особено задоволство ги споделуваме резултатите од  Повикот за млади креативци на „Лице в лице“, насловен „Осмели се, инспирирај, промени – Политичкиoт интегритет низ очите на младите“. Во рамки на повикот,...
Продолжи
Корупција - слика

Корупцијата не е бројка – тоа е човечка цена: повик за анонимни сведоштва и искуства

Вашите приказни ќе ни помогнат да разбереме како политичката корупција навистина изгледа на терен, како ги обликува секојдневните животи, и што можеме колективно да направиме за да изградиме институции што функционираат, штитат и служат. Овој прашалник има една јасна цел: сложените, фрагментирани и често нечитливи податоци да се претворат во човечки гласови, силни наративи и јасни пораки кои ќе ја поттикнат јавната свест, отчетноста и позитивната промена.
Продолжи

Повик за млади уметници и креативци: Осмели се, инспирирај, промени – Политичкиoт интегритет низ очите на младите

Припаѓаш на генерацијата што не молчи?Те нервираат оние што сè завршуваат со „врски“? Не си како нив?Читај понатаму! Замисли креативност и уметност што не служи само за лајкови. Ни треба уметност...
Продолжи