„Скејтбордингот не е за девојчиња“ ја имаше американската премиера на фестивалот „Трајбека“ во Њујорк

Филмот на Дина Дума беше прикажан пред преполна сала на еден од најзначајните независни филмски фестивали во САД, проследен со долга дискусија со публиката, соопштија од продукцијата.

Пред преполна сала во срцето на Менхетен, синоќа се одржа американската премиера на македонскиот филм „Скејтбордингот не е за девојчиња“, во режија на Дина Дума, во рамки на престижниот фестивал „Трајбека“ во Њујорк.

Филмот е прв македонски долгометражен игран проект што е селектиран на овој фестивал, основан од актерот и продуцент Робер Де Ниро, кој важи за една од најзначајните платформи за независен филм во САД.

– Богатата дискусија после проекцијата разви емотивна и прекрасна атмосфера, особено околу прашањата кон Дума за тоа како работела со глумците и како ја постигнала таа автентичност во филмот – соопштуваат од продукцијата на филмот, „Сестри и брат Митевски“.

.

„Скејтбордингот не е за девојчиња“ е втор долгометражен игран филм на Дума, по нејзиниот наградуван дебитантски филм „Сестри“. Сценариото го потпишуваат Дина Дума, Лидија Мојсовска и Теона Стругар Митевска. Продуцентка е Лабина Митевска, а копродуценти се Себастиен Делуа, Данијел Хочевар и Вања Сремац. Директор на фотографија е Фредерик
Ноаром, а во главните улоги се Ефќар Абаз, Симонида Селимовиќ, Џефрина Јашари и Ганимет Абдула.

Со оваа премиера, филмот го продолжува својот меѓународен фестивалски живот, носејќи приказна што започнува во локален контекст, а комуницира со публика далеку надвор од границите на земјата.

• Што ги движи протестите и зошто општествените движења не се само левичарски каузи?
• Патувачкото кино на „МакеДокс“ повторно тргнува низ Македонија: Бесплатни проекции во шест места
• Историски успех: „Приказната за Силјан“ е првиот македонски филм номиниран за наградите „Еми“
• „Зрно“ 2026 ги претставува избраните автори од меѓународниот отворен повик
• Книгите не можеме да ги вратиме, но можеме да помогнеме „Антолог“ да создава нови