Утре во КСП „Центар Јадро“ – проекција на документарецот „Градина на пријателите“ на режисерот Марковиќ

Во КСП „Центар Јадро“, утре, во 17 часот, ќе се случи проекција на краткиот документарен филм  „Градина на пријателите“ на режисерот Срѓан Марковиќ.
Приказната ги открива световните патишта на тројца пријатели кои ги довеле до нивното духовно будење. Градината е асоцијација на почеток и нова надеж. Како место каде се сретнуваат пријателите и нивните приказни.
Дел од екипата на филмот ќе биде присутна на проекцијата, и во дијалог со публиката ќе донесе нов дел од своите патешествија.