Доза вести

Повик за волонтери на книжевниот фестивал „Друга приказна“

Книжевниот фестивал „Друга приказна“ ги повикува сите млади љубители на книжевноста и културата да се придружат во реализацијата на регионалниот книжевен фестивал „Друга приказна“ #7!

„Потребни ни се ентузијастични, љубопитни и ажурни волонтер(к)и кои сакаат подобро да ја запознаат и да се вклучат во книжевната и културната сцена во Скопје и да се подружат со писател(к)и, критичар(к)и, уредници, уметници и теоретичар(к)и од земјава и регионот“, велат од тимот на „Друга приказна“.

Претходно волонтерско искуство е предност, но не е неопходно.

Волонтер(к)ите ќе имаат можност да се запознаат со процесот на подготовка и реализација на фестивалот, а во зависност од своите знаења и интереси ќе можат да помогнат во различни сегменти од организацијата на настаните, во комуникацијата со гостите, да учествуваат во создавањето медиумски и други текстуални содржини… Фестивалот има предвидено покривање дневница за волонтерите.

Сите заинтересирани може да пишат на мејлот [email protected] наведувајќи ги следните информации: име и презиме и телефон за контакт.
Рокот за пријавување е 12 август.

Скопскиот книжевен фестивал „Друга приказна“ во организација на издавачката куќа „Темплум“ по седми пат ќе се одржи на 26, 27 и 28 август. Ова година на фестивалската тема НОВА ПИСМЕНОСТ ќе се обединат 30-тина врвни книжевни имиња од Македонија, Србија, Бугарија, Хрватска, Босна и Херцеговина, Словенија и Црна Гора. Во трите фестивалски дена ќе бидат исполнети со разговори, промоции, уметнички изложби, книжевни читања, предавања, работилници…

Повеќе за претходните фестивалски изданија погледнете овде.

Back to list

Напишете коментар