Не го добиваш тоа што го заслужуваш, го добиваш тоа што ќе го испреговараш

Бидејќи „Лице в лице“ не е само медиум, туку активатор што создава вредност преку партнерства, со особена радост ја споделуваме новата соработка со Викторија Јордановска, НЛП тренер и коуч посветена на развојот на човечкиот потенцијал.

Што ако преговарањето не е само деловна вештина, туку клуч за подобар живот што го заслужуваш? Што ако секој разговор е можност за поголема свесност, разбирање и поврзување?
Минатата година го воведовме сегментот „Свесност“ овде, на нашата веб платформа. Намерата му е, не само да информира, туку да трансформира. Затоа, ова партнерство е природен чекор: работата на Викторија длабоко се усогласува со нашата визија за поинклузивно, поповрзано и посвесно општество. Нејзиниот блог во продолжение, го објавуваме како вовед во обуката (линк овде) што за првпат е достапна на нашата веб продавница.

Со секоја купена обука, не купувате само знаење, туку инвестирате во заедница. Дел од средствата директно ја поддржуваат мисијата на „Лице в лице“. Веруваме дека „Свесност“ ќе прерасне во простор каде што идеите стануваат акција, а личниот раст станува колективна сила.
Со секоја обука, искуство и приказна, ја шириме мрежата на луѓе кои избираат да живеат посвесно и да создаваат подобра иднина.

За да напредуваме и да водиме исполнет живот, верувам дека треба да ја негуваме најважната врска во нашиот живот – онаа што ја имаме со самите себе!

Пишува: Викторија Јордановска

Април е мојот месец на раѓање и мојот омилен месец во годината. Сонцето сјае, надвор станува топло, дрвјата цветаат, птиците се враќаат со своите песни и се чувствува дека пролетта е веќе тука.

Ајде да почнеме со тоа што ќе ги споделам моите новости…

Поголемиот дел од март го поминав во Аргентина со четири пријателки. Она што почна како едноставен одмор, брзо се претвори во мастер-клас за човечки релации и односи. Деновите генерално беа исполнети со смеа што одекнуваше по улиците на Буенос Аирес, моменти на чисто воодушевување, додека планинаревме по магичните пејзажи на Патагонија, топлината од споделените љубов и вино во Мендоса, и да — тук-таму и по некоја мала расправија.

Пет пријателки. Пет жени во перименопауза🤪.
Пет различни личности.
Пет низи на преференции, приоритети, потреби и идеи за тоа како треба да се одвива патувањето и секој следен ден.

И така, почнаа преговорите.

Тие почнаа уште пред да се качиме на авион. Расправавме за дестинациите кои ќе ги посетиме, колку денови да поминеме во секој град, внимателно балансирање на она што „мора да се види“ за секоја од нас. Откако пристигнавме, преговорите продолжија: Каде да јадеме ручек или вечера? Ќе излегуваме навечер до доцна или ќе стануваме рано? Тезги со локални занаетчии или шопинг во градот? Ден посветен на планинарење или прошетка низ град?

Голем дел од разговорите и одлуките беа како вежби за слушање, компромис, убедување и пронаоѓање креативни решенија кои ги почитуваат желбите на секоја личност, без да се наруши хармонијата во групата (иако тоа понекогаш се случуваше).

Патување со пријатели е едно од најчистите форми на тренинг за преговарање што некој може да ги искуси. Сурово, набиено со емоциии, со чувство дека залогот е висок (барем така ти се чини во моментот), и едно неверојатно разоткривање на најситните делови на личноста кај секоја од нас.

Подолу споделувам неколку совети и тактики за преговарање кои ги користам во секојдневниот живот – практични НЛП алатки кои важат не само кога сме на одмор со пријатели, туку и во секоја област од животот: бизнис договори, тешки разговори, преговори за плата, семејни одлуки и секојдневни конфликти.

Пред да продолжиме, сакам да споделам неколку новости со тебе…

Women of Impact Leadership Programme (повеќе за ова, во разговорот со обучувачките, на овој линк) во мај започнува со нова група на лидерки во Приштина, Косово со еднодневна обука на тема: „Води со мисија: Од сомнеж во себе до незапирлива самодоверба“. Ако познаваш таква жена која може да има придобивка од оваа обука во Косово, те молам сподели ја информацијата. Претходните учеснички пријавуваат неверојатни резултати, и плус сестринство кое нуди поддршка што ни е потребна на сите.

Поради голема побарувачка и првпат за јавноста, ја отворам врвната обука за напредни вештини на преговарање и убедување, базирани на НЛП – обука која до сега беше привилегија само за корпоративни клиенти. Оваа прва отворена обука е организирана во Скопје, на македонски јазик. Можеш да дознаеш повеќе ако ме контактираш (тука), или ако директно да го резервираш своето место на следниот линк.

Ајде да нурнеме сега подлабоко во…

Уметноста на преговарањето

Во животот постојано преговараме со другите и со себе – одлуки, цени, плати, понуди, убедување на другите да направат нешто за нас, претворање на противници во соработници, домашни задачи, одмори, кој ќе го вози детето, кој ќе готви.

Најчесто преговорите завршуваат со победник и губитник. Но не мора да биде така, нели? Успешните преговори се оние каде двете страни се чувствуваат како победници: слушнати, видени, почитувани и задоволни.

Некои луѓе се родени убедувачи и лесно ги препознавате кога ќе влезат во една просторија. Тие без напор го пленат вниманието, влијаат на неодлучните и ги придобиваат дури и најсилните противници. Кога ги гледате во акција, сфаќате колку се впечатливи. Нивната харизма и елоквентност ги тераат другите, не само да се согласат, туку всушност да посакаат да ги исполнат нивните барања или понуди, како да е тоа најголемо задоволство.

Сепак, ова можеби предизвикува фрустрација кај останатите кои ја немаат таа вродена дарба. Овие личности, кои ги викаме „надарени“, ретко разбираат или знаат точно зошто успеваат, и уште поретко можат да објаснат или да ја пренесат таа вештина на другите. Нивниот талент останува повеќе уметност отколку наука. Но, мнозинството лидери и професионалци мора да умеат да влијаат врз луѓето без да се потпираат на исклучителна харизма.

Клучен предизвик на лидерството во денешната сложена средина е да се убедат другите да реализираат и исполнуваат работни задачи. Традиционалното наметнување на авторитет („Затоа што јас сум шефот“) веќе не функционира ефективно. Во свет на крос-функционални и распрскани тимови, виртуелни состаноци, спојување на компании и поматени линии на моќ, убедувањето е вештина што стана многу посилна од формалната авторитативност.

Способноста да се влијае на однесувањето преку умешно убедување сега е една од најважните вештини за секој лидер или професионалец.

Тука на сцена стапува НЛП.

Бидејќи, НЛП како метологија се занимава со моделирање генијалци во било која област од животот. НЛП го зема имплицитното знаење на генијалецот, го кодира и нуди јасен и експлицитен модел кој може да се научи. Со тоа, на нас останатите кои не сме генијалци во тоа поле, ни дава можност да ја научиме вештината и да постигнеме слични или исти резултати.

Подолу се неколку брзи НЛП алатки што можеш веднаш да ги користиш за да ги подобриш своите преговорачки вештини. А доколку си решен/а да станеш „про“ преговарач/ка, да навлезеш подлабоко и да го совладаш убедувањето и преговарањето како вештина, придружи ми се на претстојната обука „Преговарачки вештини за секојдневен успех“.

Обука: Преговарачки вештини за секојдневен успех со Викторија Јордановска

Изгради несвесна согласност и поврзаност (Rapport)

Ова функционира бидејќи усогласувањето ги активира огледалните неврони и создава безбедна основа за влијание.

Преформулирај ги приговорите во можности

Ова функционира бидејќи емоционалното именување и отворените прашања ја намалуваат активноста на амигдалата и го префрлуваат вниманието кон решавање на проблемот.

Усидрување и калибрирани прашања

Ова функционира бидејќи сидрата ја обликуваат перципираната вредност. Отворените калибрирани прашања ги поттикнуваат луѓето да размислуваат и да бидат отворени за креативни решенија.

Користи го говорот на телото за да влијаеш на исходите

Ова функционира бидејќи невербалните сигнали означуваат безбедност и достапност. Забележувањето на физиолошките промени ти овозможува да реагираш навреме.

Намали го когнитивното оптоварување со структуирани избори

Јаснотија и структура: Понуди 2–3 јасни опции наместо неограничени дискусии.
На пример: „Можеме а) да го поместиме рокот и да го задржиме опсегот, б) да го задржиме рокот и да го намалиме опсегот, или в) да додадеме ресурси за да ги задржиме и двете. Што најмногу одговара на твоите приоритети?“

Ова функционира бидејќи луѓето носат полоши одлуки кога се преоптоварени. Јасните опции и едноставното претставување на можностите ги подобруваат исходите, го зголемуваат квалитетот на одлуките и го намалуваат трењето на преговорите.

Практикувај ги горенаведените алатки во твоите разговори. Земи една алатка и практикувај ја неколку дена. Кога ќе ја усовршиш, одбери друга и вежбај. Градењето вештините е најдобро кога се одвива чекор по чекор. Забележи ја разликата што ќе ја направи користењето на овие алатки во твоите разговори .

Преговарањето не е борба: Тоа е вешто координирање и градење мостови. Ниту еден лидер не може да успее без да ја совлада уметноста на убедувањето. Со овие неколку алатки можеш да ги префрлиш разговорите од состојба на „победа/пораз“, кон „победа/победа“ за двете страни и да постигнеш подобри резултати, побрзо.

Сакаш да навлезеш подлабоко? Контактирај ме и ќе ти пратам дополнителни ресурси!

Мојата порака за месец април е:

Најдобрата инвестиција што можеш да ја направиш е да инвестираш во себе.

Ти вредиш!


Многу љубов, Викторија ❤

Оригиналниот текст е објавен на англиски јазик и можете да го прочитате на профилот на социјалната мрежа „Линкдин“ на авторката, линк овде.