Фијук саем во Скопје: независна уметност – книги, фанзини и работилници на 27 и 28 декември

Саемот на независна уметност „Фијук“, овој викенд, на 27-ми и 28-ми декември, го отвора своето издание кое ќе се одржи во „Трн“ во скопско Дебар Маало (спроти Министерството за култура).

Промовирајќи нови форми на независна уметност, настанот ќе обедини над 30 излагачи и колективи кои работат на книги, фанзини, стрипови, музика, слики, фотографии, колажи, постери, разгледници и плакати.

Настанот започнува во сабота, 27 декември од 14 часот, со изложбата на Марко Печеновиќ насловена „Само напред“ и ќе трае до 18 часот. Следниот ден, недела, 28 декември од 14 до 23 часот, програмата ќе вклучува нови излагачи, целодневна радио програма „Зборуе Радио Скопје“ на Канал 103, како и креативни работилници: работилница за длабок печат и работилница за колаж.

Настанот претставува интерактивна платформа за креативност и соработка, каде посетителите можат да создадат свои колажи, печатени честитки или други уметнички проекти. Настанот ја комбинира алтернативната уметност со забава, музика и практично учење, а целта е зајакнување на домашната независна сцена.

• Заштитено: Иштван Фаркаш, продавач на „Лицеулице“ во Нови Сад: „Солидарноста не е милостина“
• Луѓе кои ја движат промената: инспиративни пристапни приказни за трансформација и зајакнување
• Отворен повик за млади фотографи: „Сликите на вкусот“ ги обединува креативците од Балканот
• Инклузивна изложба на графики по повод Меѓународниот ден за подигање на свеста за лицата со аутизам
• „Саранда“ во Жеровјане, место каде различностите се мешаат, токму како и вкусовите на сладоледот