Извидничкиот одред „Еквинокс Скаут“ – Штип доби општинска награда „8-ми Ноември“

Извидничкиот одред „Еквинокс Скаут“ ја доби општинската награда „8-ми Ноември“, која традиционално ја доделува Општина Штип по повод одбележувањето на Денот на ослободувањето на градот.

Одредот брои 101 член, а основан е во март 2018 година. Ова признание претставува највисока општинска чест, која се доделува за особени постигнувања и придонес во афирмацијата и развојот на градот во областа на стопанството, науката, уметноста, образованието, културата, спортот, хуманоста и други сфери од општествениот живот.

Одредот „Еквинокс Скаут“ континуирано работи во насока на неформална едукација на деца и млади. Организира едукативни, хумани и еколошки активности, работилници, настани и теренски акции. Преку своите програми и иницијативи, одредот активно ја промовира извидничката идеја и вредности, го поттикнува волонтерскиот дух, како и активното учество на младите во заедницата.

• Афазија, живот по мозочен удар – приказната на адвокатката Мирјана Марковска што ја отвора темата за која владее молк
• „Приказната за Силјан“ на Тамара Котевска со успешна примера во Њујорк
• Работилница за новинарки: „Жените зад приказните“ – простор за поддршка, заедништво и солидарност
• Од живот во насилство до економска независност: Храброто ново поглавје на жена жртва
• Ново поглавје „Свесност“ на „Лице в лице“ – ритрити, обуки и работилници за подобри граѓан(к)и