Доза вести

Новогодишни „Лице в лице“ честитки – за нови успеси и можности!

Во овој дел од годината започнуваме со почесто отворање на апликацијата за проверка на квалитетот на воздухот, полека сумираме што остваривме оваа година, но, и започнуваме да создаваме нови планови за следната, 2023-та година и да испраќаме најубави желби за најблиските.
„Лице в лице“ и годинава ќе ви прави друштво со традиционалните Новогодишни честитки!

Имаме и добро познати мотиви, но, имаме и освежувања, нови бои и контури, топли и за око и за срце. ❤

Ваше е само да го направите изборот, списокот на пријатели и соработници, и да ја напишете честитката. Во ова последното, ако ви се соберат многу, можеме и ние да се вклучиме.

Меѓу празничните и снежни мотиви, годинава ќе ги сретнете делата на нашите големи уметници, поддржувачи и соработници: Ване Костуранов, Руки Чуки, Зоран Инадески, Георги Равански, Кокидо, Ва Дот, Флим.

Голема благодарност до сите нив! 🙂

Новогодишните честитки чинат 50 денари и можат да се набават на неколку начини – кај продавач на улица, кај продавач кој ќе биде поканет во компанија, фирма или организација, како и на електронската адреса: [email protected], или на телефонските броеви: 070 925 886, 078 608 517 и 2 466 444

#ЛицевлицеЧеститки2023

Напишете коментар