Работилница за новинарки: „Жените зад приказните“ – простор за поддршка, заедништво и солидарност

Работилницата „Жените зад приказните: Простор за заедништво и солидарност“, ќе се одржи на 3 декември во „Паблик рум“ во Скопје. Настанот е наменет за новинарки кои секојдневно ги носат приказните на јавноста, им даваат глас на граѓаните и бараат отчетност од институциите.

Работилницата ќе започне во 10 часот и ќе трае два часа, создавајќи безбеден простор за меѓусебна поддршка, размена на искуства и зајакнување. Преку интерактивни вежби ќе се мапираат професионалните предизвици, ќе се разменат практични совети за олеснување на работата и ќе се зајакне солидарноста меѓу новинарките.

Настанот ќе го води новинарката, авторка и феминистка Марта Стевковска, која има повеќе од 12 години искуство во медиумскиот сектор и работи како специјалистка за комуникации и координаторка на проекти во Мрежа „Стела“.

За учество е потребна претходна пријава преку овој линк. За новинарките кои доаѓаат од други градови ќе бидат покриени трошоците за превоз.
Работилницата ја организира „Реактор“, со поддршка на Женската медиумска мрежа „Еднаква“ при Самостојниот синдикат на новинари и медиумски работници.

• Заштитено: Иштван Фаркаш, продавач на „Лицеулице“ во Нови Сад: „Солидарноста не е милостина“
• Луѓе кои ја движат промената: инспиративни пристапни приказни за трансформација и зајакнување
• Отворен повик за млади фотографи: „Сликите на вкусот“ ги обединува креативците од Балканот
• Инклузивна изложба на графики по повод Меѓународниот ден за подигање на свеста за лицата со аутизам
• „Саранда“ во Жеровјане, место каде различностите се мешаат, токму како и вкусовите на сладоледот