На 24 декември зимски саем за социјални претпријатија и солидарна економија „Барбара и пријателите“ во Скопје

Во духот на солидарноста, социјалното претприемништво и циркуларната економија, на 24 декември 2025 година (среда) со почеток во 12:00 часот, во Центарот за социјални претпријатија на ул. „Македонија“ бб (во близина на Спомен-куќата на Мајка Тереза), ќе се одржи зимскиот собир и саем за социјални претпријатија и солидарна економија „Барбара и пријателите“.

Настанот ги обединува граѓаните, партнерите и поддржувачите на социјалното претприемништво со цел да се промовираат солидарноста, креативноста, заедничкиот дух и одржливите модели на работа и производство.

Оваа година, организаторите информираат дека саемот има и хуманитарна цел: поддршка за Фондацијата „Барка“ и Марисија Садовска во борбата против тумор на мозокот. Како што најавуваат, 100% од приходите од настанот ќе бидат донирани за каузата. Влезот за посетители се обезбедува со купување влезница во износ од 500 денари, која се купува на лице место.

Програма на настанот

• 12:00 – 13:00 | Отворање и панел-дискусија
  (поздравни обраќања, вовед во саемот, Стратегија за социјални претпријатија, Закон за социјални претпријатија, нови трендови)
• 13:00 – 15:00 | Саем за социјални претпријатија
  (штандови и презентации)

Програмата, покрај топлото добредојде, вклучува и панел-дискусија посветена на развојот на социјалното претприемништво и иднината на Законот за социјални претпријатија, како и зимски саем на кој ќе учествуваат невладини организации, социјални претпријатија и индивидуални уметници.

Организаторите упатуваат отворена покана до јавноста да присуствува и да ја сподели информацијата со сите кои би сакале да бидат дел од настанот, нагласувајќи дека секое присуство ја зајакнува заедницата и придонесува кон солидарната кауза.

• Заштитено: Иштван Фаркаш, продавач на „Лицеулице“ во Нови Сад: „Солидарноста не е милостина“
• Луѓе кои ја движат промената: инспиративни пристапни приказни за трансформација и зајакнување
• Отворен повик за млади фотографи: „Сликите на вкусот“ ги обединува креативците од Балканот
• Инклузивна изложба на графики по повод Меѓународниот ден за подигање на свеста за лицата со аутизам
• „Саранда“ во Жеровјане, место каде различностите се мешаат, токму како и вкусовите на сладоледот