Студенти од Факултетот за дизајн и мултимедија во посета на „Лице в лице“: Младински активизам, дизајн и интегритет

Студенти од трета година од Факултетот за дизајн и мултимедија при Американскиот универзитет на Европа – ФОН, денеска беа во посета на „Лице в лице“, во рамки на едукативна средба посветена на младинскиот активизам, дизајн и интегритет.

Настанот имаше за цел да ги доближи студентите до практичната работа на независен и непрофитен медиум, како и да им понуди конкретни можности за вклучување во општествено корисни креативни иницијативи.

„Лице в лице“ како социјално претпријатие и медиум со мисија

Оваа посета им даде можност на студентите да се информираат за историјатот на „Лице в лице“, неговиот развој како социјално претпријатие и улогата што ја има како независен, непрофитен медиум во изминативе 13 години. Посебен акцент беше ставен на работата со ранливи групи како наши продавачи, како и на етичкото новинарство и создавањето позитивни општествени промени преку медиумите, креативни иницијативи и вклучување на публиката.

„Лице в лице“ со интегритетот – можност за млади креативци

Беше претставен повикот „Лице в лице“ со интегритетот, кој е насочен кон млади уметници, дизајнери и креативци. Студентите се запознаа со можностите за нивно активно учество, практична соработка и придонес преку визуелни решенија, илустрации и креативни кампањи со општествена вредност.

Водени од професорите Јасмина Трајкоска Наумоска и Милош Милосављевиќ, студентите беа поттикнати да размислуваат за студентите беа поттикнати да размислуваат за вклучување во креативни активности кои ќе ја кренат свеста за младинскиот активизам и улогата на визуелната комуникација во поддршка на ранливите групи, како и за значењето на дизајнот како алатка за општествени промени.

Отворена дискусија и следни чекори

Средбата заврши со интерактивна дискусија, прашања и одговори, при што студентите покажаа голем интерес за практичните аспекти на работата во независен медиум и за улогата на дизајнот во активизмот. Средбата заврши со заложба за идна соработка помеѓу „Лице в лице“ и ФОН.

Оваа посета претставува пример за успешно поврзување на академската заедница со реалниот сектор, поттикнувајќи ги младите да ја користат својата креативност за јавен интерес, интегритет и општествена одговорност.

Одговорете го прашалникот.

• Заштитено: Иштван Фаркаш, продавач на „Лицеулице“ во Нови Сад: „Солидарноста не е милостина“
• Луѓе кои ја движат промената: инспиративни пристапни приказни за трансформација и зајакнување
• Отворен повик за млади фотографи: „Сликите на вкусот“ ги обединува креативците од Балканот
• Инклузивна изложба на графики по повод Меѓународниот ден за подигање на свеста за лицата со аутизам
• „Саранда“ во Жеровјане, место каде различностите се мешаат, токму како и вкусовите на сладоледот