Во година полна со предизвици, која нѐ задржува да останеме дома со цел да го заштитиме сопственото здравје и здравјето на блиските, решивме да му дадеме друга боја на секојдневието и ги поканивме децата до 12 години да креираат дизајн на новогодишна честитка за „Лице в лице“.
Ги поттикнавме да создаваат, да се забавуваат и малку да се натпреваруваат.
Ни одговорија 89 автори, со вкупно 133 дела, кои донесоа позитивна нота и кои зрачат со креативност, досетливост, искреност, енергија и со најубави замисли за годината што ни доаѓа. Силно веруваме дека сите деца и понатаму ќе продолжат со своите творечки потези и дека ќе оставаат значаен печат во сѐ што ќе работат во иднина.
Најдобро оценетите дизајни од публиката и од жирито, добиваат годишно членство на веб-платформата на „Лице в лице“, како и книги од издавачката куќа „Литература“.
Жирито кое ги избра петте најуспешни беше во состав: Томислав Георгиев, фотограф, и Ружица Мандичевска – Руки и Зоран Инадески, дизајнери – последниве двајца и автори на дел од новогодишните мотиви на традиционалните честитки на „Лице в лице“.
Наградените решенија се на дел од насловните страници на печатеното издание на 43 број списанието, кој може да го набавите на овој линк
Прво место од публика:
![Антонела Саздовска](https://licevlice.mk/new/wp-content/uploads/2020/12/antonela-sazdovska-edited-scaled.jpg)
Први пет места од жири:
![](https://licevlice.mk/new/wp-content/uploads/2020/12/image-17.png)
![](https://licevlice.mk/new/wp-content/uploads/2020/12/image-18-edited.png)
![](https://licevlice.mk/new/wp-content/uploads/2020/12/image-19-edited.png)
![](https://licevlice.mk/new/wp-content/uploads/2020/12/image-20-edited.png)
![](https://licevlice.mk/new/wp-content/uploads/2020/12/image-21-edited.png)